Wat maakt de Platt-AG

Mit de „Arbeitsgemeinschaft Plattdeutsch“ – Plattdüütsch-AG – will de Heimatvereen Angeln dorto bidregen, dat de plattdüütsche Spraak un Kultur an ’t Leven holen un plegt warrt.

In de Plattdüütsch-AG kann mitmaaken, wer ok Mitglied bi de Heimatvereen Angeln is. Siet de Fröhjohrstagung 2018 in Frienwill is Peter-Heinrich Bendixen ut Steenbarg de Böverste vun de Plattdüütsch-AG.

In 2013/14 is mit ‘n Ümfraag-Aktion faststellt wurrn, wat dat för Wünsch un Vörslääg för de Arbeit in de Plattdüütsch-AG gifft. Sodennig is dorbi en Richtsnoor för dat Programm in de tokamen Tiet rutkamen. In de Hauptsaak schall maakt warrn:

  • Versammeln mit Vördrääg to plattdüütsche Kultur (Text, Biller, Musik)
  • Besöök in Museen mit plattdüütsche Leid un Verkloren
  • Kontakt to junge Lüüd un na Schoolen un Kinnergoorns
  • Besöök vun plattdüütsche Goddesdeensten
  • Textarbeit mit plattdüütsche Literatur un mit plattdüütsch Lesen un Schrieven
  •  … allens ok mal mit Eeten, mit Kaffe un ümmer mit Klönsnack

De Plattdüütsch-AG harr sien Gründungsversammeln an ‘n 26.09.2001 in Süderbrarup; 42 Lüüd weern do de Inladen folgt. Dat Leid harr glieks to Anfang Annemarie Clausen ut Nübel bi Schleswig – bit 2012 het se dat maakt. Op de Harvstversammeln 2013 in Gelting wurr Erich Petersen as Nafolger vörstellt un he hett dat denn meist fief Johr maakt.

Johr för Johr hett dat in ’n Dörchsnitt üm un bi veer Drapen in ‘t Johr mit ünnerscheedliche Themen geven – mitmaakt hebben mal 20, 50 oder ok över 100 Deelnehmers, dat hung ümmer dorvun af, wat Thema weer un wodennig dat afloopen dee. Wat in all de Johren maakt wurrn is, kann in de Johrböker vun de Heimatvereen naleest warrn ünner „Berichte der Arbeitsgemeinschaften“.
In de eersten Johren is de Mitgliedertall vun de Plattdüütsch-AG op över 130 anwussen un in all de Tiet meist konstant bleven.

Kontakt to de Böverste vun de Plattdüütsch-AG:
Peter-Heinrich Bendixen
Nordstern 10, 24972 Steinberg, Tel.: 04632 / 7077
E-Mail: phbendixen@t-online.de

Cookie-Einstellungen

Wir nutzen Cookies auf der Seite. Einige davon sind essenziell, während andere uns helfen, die Seite weiter zu verbessern.