Wat maakt de Heimatvereen
Mit de „Arbeitsgemeinschaft Plattdeutsch“ – Plattdüütsch-AG – will de Heimatvereen Angeln dorto bidregen, dat de plattdüütsche Spraak un Kultur an ’t Leven holen un plegt warrt.
Dat sünd unse Opgaven:
- Mitwarken bi ‘t lösen vun aktuelle Problemen bi Kultur un Bildungswesen, bi Naturwetenschop un regionale Strukturen, bi Natur-, Landschop-, Denkmal- un Ümweltschutz;
- Forschen, Bargen un Sekern vun vör- un fröhgeschichtliche Funnen;
- Erholen un Plegen vun Bruuk- un Volksdom, wat uns överlevert is;
- Inrichten un Erholen vun Archiven un Bibliotheken as Quellen för heimatgeschichtliche Forschen;
- Rutgeven vun Schriften för de Heimatkunn;
- Rutfinnen un fastmaken, wat Heimat is un wat ehr Kultur un Geschichte bedüden deiht. Dorto warren ok Versammeln un Utfohrten in Gemeenschop utrichtet.
- Wi plegen en Patenschop mit de Düütsche Volksgruppe in Nordschleswig (Düütsche School Lunden op Alsen);
- Wi wüllt in Tokunft noch mehr bidregen an de „Entscheidungsfindungen“ in unse Region. Sodennig sünd wi all en Tiet lang in de Arbeit vun de „Aktivregionen“ mit dorbi, wenn dat üm ne’e Projekte geiht.
Dat beden wi an:
- Mitwarken in de Arbeitsgemeenschoopen (Botanik, Goorns, Heimatforschen, Ornithologie, Plattdüütsch, Ur- un Fröhgeschicht, Volkskunn);
- Fröhjohrsversammeln an wesselnde Öörd in Angeln mit Goddesdeenst, Liddmatenversammeln und Vördregen;
- Harvstversammeln in de Birk-Halle in Gelting mit Vördregen un Berichten över aktuelle un heimatkundliche Themen;
- to Johrsenn dat Johrbook vun de Heimatvereen as Periodikum mit üm un bi 300 Sieden. Opstunns gifft dat 78 Johrgäng. Se sünd maakt as Gemeenschopsarbeit vun Heimatforscher, Naturfrünnen un Lüüd vun de Weetenschop un se sünd en eenzigartige Dokumentation över dat, wat Geschichte is un wat sik in Natur un Kultur in unse Landschaft Angeln entwickelt hett;
- Rutgeven vun en „Lütte Reeg“ (Kleine Reihe) mit vele interessante un wiederföhrende Arbeiten in de Heimatkunn;
- Nadruck un Sonderdruck vun ole Johrböker, historische Koorten un anner Böker ut Angeln, wenn se utverkööpt sünd;
- Grote Fohrtenprogramm in de engere un wiedere Heimat.